مرة وانا ف ابتدائي شيخ قالنا انك لو خايف من اي كلب ف الشارع قوله بس بصوت عالي اخوك كاشمير بيسلم عليك وان كاشمير دا او “كاتمير زي ما قالنا” كان كلب اصحاب الكهف وكل الكلاب عارفاه وبتحبه
المهم تاني يوم خدت بعضي وانا متحمس فشخ اجرب الموضوع واشوف رد فعل الكلب وازاي هلاقي ملامحه بتتغير للاحسن وهو بيبكي وياخدني بالاحضان وبيحن لاخوه كاشمير
خدت بعضي ونقيت كلب جربان ف حتتنا بحيث لو نبح عليا اقوله الكلمتين يزعل من نفسه ويحس بتأنيب ضمير اني جايله من طرف اخوه كاشمير وهو بيعمل معايا كدا .. كنت طفل اتنشن برضو
المهم دخلت عليه لقيته بيزوم عليا وانا اقرب اكتر وبابتسامة طفل ملزق ف 5 ابتدائي قولتله ” ششش اخوك كاشمير بيسلم عليك ياسطا ” ومركز اوي علي ريأكشناته عشان اشوف دموعه وهي بتخر
لقيت الكلب قام باصصلي وقالي
“خخخخخخخ هوعووووواعوو”
ولقيته جاي يجري عليا والدنيا اسودت قومت رامي الشبشب وفاتح الطيارة وهاتك ياجري
وعمالة تجيلي افكار وانا بجري
طيب هو مسمعش الاسم كويس ؟
طيب ارجع اقولهوله تاني بصوت عالي ولا اعمل ايه
وفضلت اجري وانا عمال ازعق بصوت عالي واعيط ” انا من طرف اخوك كاشميييييير يابن الجزمه” ودا فاتح ورايا ع الخامس
لحد ما المشهد خلص اني اتكفيت علي وشي اتبطحت خدت غرزتين لسه معلمين لحد النهارده واخدهم عبرة ف الحياة انك متسمعش لاي حد غير ابوك وامك
??????
